Муну президент Жорж Буш Белгиянын телеканалына берген интервьюсунда кайрадан ырастады. “АКШ менен Евросоюздун максаты бир: Ирандын атомдук куралы болбосун дейбиз. Муну биз да айтып жатабыз, муну британдыктар, немецтер жана француздар да айтышууда. Ошол себептен улам алар ирандыктар менен сүйлөшкөнү өздөрүнүн тышкы иштер министрлерин жөнөтүштү. Бу биздин жалпы озуйпабыз, андыктан бу маселеде биз бир пикирдеш бойдон калышыбызды каалар элем”, - деп айтты Буш. Ирандын атомдук программасын Буш орус президенти Владимир Путин менен Братиславада да талкууламакчы.
