БИШКЕК. 2-мартта күндүзгү саат 14.15 минут өткөндө Бишкек-Ош автожолунун 246-чакырымында 20 миң кубметр өлчөмүндөгү кар көчкү түштү. Алдын ала алынган маалыматтарга караганда, көчкүдөн жабыркагандар жок. Көчкүгө каршы кызматтын адистери, кар көчкү жүрүүчү коркунучтуу участокторду текшерип, алдын алуу иш чарасын көрүүгө байланыштуу 2-марттан 4-мартка чейин Бишкек-Ош автожолу жабылат. Бул тууралуу Экология жана өзгөчө кырдаалдар министрлигинин басма сөз кызматынан билдиришти.
