БИШКЕК. 11-мартта Жалалабат облусуна караштуу Тогузторо районунун шайлоочулары аталган райондун башкы прокурору Асаналы Кыдырмышевге кайрылуу жолдошту. Анда Жогорку Кеңешке депутатыкка экинчи бир талапкердин үгүт иштериндеги мыйзам бузууларын көзөмөлгө алып, райондун акими Биймырза Бектенов баш болгон аткаруу бийлигинин өкүлдөрүнүн мыйзамга каршы иштерине чара көрүүсүн өтүнүшкөн. Эгерде мыйзам аткаруу бийлиги тарабынан сакталбаса №25 Караүңкүр округдук шайлоочулары ар кандай нааразылык акцияларга чыгышаарын билдирген, кайрылууда.
