БИШКЕК. 28-мартта саат он бирде Бишкекте «Демократия жана жарандык коом үчүн» бейөкмөт уюмунун жана КМШ өлкөлөрүнөн келген байкоочулар өз иштеринин жыйынтыгы боюнча маалымат жыйын өткөрүшөт. Шайлоонун экинчи туруна «Демократия жана атуулдук коом үчүн» бейөкмөт уюмдар коалициясынан 1176 байкоочу 33 шайлоо округундагы 917 шайлоо участогунда байкоочулук кылышты. Ал эми Көз каранды эмес өлкөлөрдүн шериктештигине кирген мамлекеттерден шайлоонун экинчи туруна 108 байкоочу, ЕККУдан 63 байкоочу көз салышты. ЕККУ өз байкоолорунун жыйынтыгын качан коомчулукка маалымдайт азырынча белгисиз.
