Президенттин жана премьердин милдетин аткарууну жума күнү парламент Курманбек Бакиевге жүктөдү. Бул чечимдин легитимдүүлүгүн Конституциялык соттун төрайымы Чолпон Баекова тастыктады. Убактылуу өкмөт, Бакиевдин айтымында, үч айга түзүлөт, бул аралыктын ичинде өлкөдө президенттик шайлоо өткөрүлөт. Бакиев өлкөдө тез арада коомдук тартипти калыбына келтирүү зарылдыгын белгилеп, бирок чукул абал киргизилбей турганын билдирди.
