БИШКЕК. Кыргызстандын Улуттук коопсуздук кызматынын төрагасы Калык Иманкулов ээлеген кызматынан бошотулду. Бул тууралуу коопсуздук кызматынан маалымат бөлүмүнөн билдиришти. Ушул эле күнү өлкөнүн президентинин жана премьер-министринин милдеттерин убактылуу аткаруучу Курманбек Бакиев улуттук коопсуздук кызматынын төрагасынын милдеттерин убактылуу аткаруучу Токон Мамытовду аталган кызматтын жамаатына тааныштырды. Токон Мамытов буга чейин улуттук коопсуздук кызматынын төрагасынын орун басары болуп иштеп келген.
