Линктер

шаршемби, 7-декабрь, 2016 Бишкек убактысы 21:11

Бүгүн 30-мартта Кыргызстандын күч органдарынын жетекчиси Феликс Кулов чет элдик журналисттерге маалымат жыйынын өткөрдү. Анда Кулов кызматтан четтетилген президент Аскар Акаевди акылдуу адам, ошондуктан бийликти мыйзамдуу өткөрүп бериши керек, эгер Акаев кайтып келсе анын жана үй-бүлөсүнүн коопсуздугу сакталат деп билдирди.

Учурда Кыргызстанда президент бар, бирок ал өз милдеттерин аткарбай калды, ошондуктан анын кызматын бирөө өзүнө алууга тийиш, деди Феликс Кулов.

Президенттин милдетин болсо легитимдүү парламент Курманбек Бакиевге жүктөдү. Ошондуктан легитимдүү премьер-министр да бар, легитимдүү парламент да бар деди ал.

Алдыдагы - 26-июндагы президенттик шайлоо тууралуу Феликс Кулов Аскар Акаевдин кечээ күнкү айткандарынан кийин аны кайра карап көрүү керек, бир эле учурда президент да турганда ошол эле маалда президенттик шайлоо өткөнү ыйгайсыз деди.

Көпчүлүк журналисттерди негизинен Куловдун президенттик шайлоого катышаар-катышпасы кызыктырды. Ал бул маселени жакшылап ойлонуп көрүү керектигин билдирди.
XS
SM
MD
LG