БИШКЕК. 5-6-апрелде Бишкекте Дүйнөлүк банктын Борбор Азия боюнча регионалдык бөлүмүнүн башчысы Денис де Трей баш болгон миссия болот. Бул тууралуу банктын Кыргызстандагы өкүлчүлүгүнөн 1-апрелде кабарлашты. Маалыматка караганда, Денис де Трей Бишкекте премьер-министр Курманбек Бакиев, каржы министри Акылбек Жапаров, Улуттук банктын жетекчилиги менен жолугушуп, Дүйнөлүк банктын Кыргызстанда аткарып жаткан долбоорлорун улантуу маселесин талкуулашат. Ыңкылаптан кийин Дүйнөлүк банктын Кыргызстандагы ишмердүүлүгү өзгөргөн жок, деп белгилешти банктын Бишкектеги өкүлчүлүгүнөн.
