БИШКЕК. 5-апрелде Атбашы райондук администрациясына Накен Касиевдин тарапкерлери кирип барып, райондук акимдин кызматтан кетүүсүн талап кылышты. Аким ошол замат эле өз арызын жазып берген. Бул тууралуу Накен Касиев кабарлады. Анын айтымында, ал элди акимияттан чыгып кетүүгө, андай иштерге барбоону өтүнгөн жана мына ошондон кийин адамдар райондук акимчилигинен чыгып кетишкен. 5-апрелде Жогорку Сот Накен Касиевдин арызын кароону 8-апрелге которду. Буга Касиевдин шейшембидеги сот жараянына ден соолугуна байланыштуу катыша албагандыгы себеп болду.
