БИШКЕК. «Арнамыс» саясий партиясынын лидери, мурдагы вице-президент Феликс Кулов 11-апрелде Жогорку соттун чечими менен биротоло акталды. Феликс Кулов ушул эле күнү журналисттер үчүн маалымат жыйынын уюштурду. Кулов 2000-жылы президенттик шайлоонун алдында камакка алынган. Ал «Коопсуздук министри, Бишкек шаар мэри жана Чүй облусунун губернатору болуп турган кезде кызматынан кыянаттык менен пайдаланды» деген айып менен эки башка кылмыш иштин негизинде 10 жылга кесилген.
