Тажик президенти Эмомали Рахмонов бүгүн өлкө парламентинин биргелешкен сессиясында чыгып сүйлөп, элге кайрылды жана өз сөзүндө Тажикстан менен Орусия ортосундагы стратегиялык кызматташуу жаңы деңгээлге көтөрүлгөнү тууралуу билдирди. Анын айтымында, тажик аймагындагы орус аскерий базасы жана Орусияда кызмат кылып жүргөн тажик жарандарынын маселелери толук чечилди, ал эми Орусия тараптан тажик экономикасына келе турган инвестициялардын көлөмү келерки беш жыл ичинде эки миллиард долларга жетет. Андан тышкары, Рахмоновдун айтымында, кошуна Кыргызстанда болгон окуялар региондогу стабилдүүлүккө зыян тийгизиши мүмкүн.
