НАРЫН. Облус губернаторунун милдетин аткаруучунун орун басары Калнур Ормушевдин айтымында, соңку кездерде өздөрүн элдин өкүлүмүн деп, эл атынан бийликке ар кандай талап койгон адамдардын саны көбөйүүдө. Бирок, булардын кыйласы кайсы бир расмий партиянын же коомдук уюмдун катарында турбагандар болуп чыгууда. Ормушев ошон үчүн мындан ары бардык чогулуш жыйындар мыйзам чегинде болорун жана аны өткөрүүгө бийлик зарыл шарттарды түзөөрүн билдирди. Эл атынан деп топтолуп, ар кандай талап койгондорго чек коюлат.
