БИШКЕК. 19-апрелде Бишкекте бейөкмөт уюмдардын жалпы улуттук форуму башталды. Анда атуулдук коомдун өкүлдөрү конституциялык реформа, президенттик шайлоо, сот системасын реформалоо, кадр саясаты, коопсуздук, маалымат саясаты боюнча өз пикирлерин ортого салууда. Бул талкуулардын соңунда Аракет программасы иштелип чыкмакчы. Ал программа 20-апрелде -форумдун экинчи күнүндө ачыкталмакчы. Форум ЮСАИД, Сорос-Кыргызстан, ЕККУ өңдүү эларалык уюмдардын колдоосу менен уюштурулууда.
