Европадагы коопсуздук жана кызматташтык уюмунун эки күндүк конференциясы кечээ күнү Вена шаарында ийгиликсиз аяктады. Анда талкууланган негизги маселе - ар башка өлкөлөрдө өтүп жаткан шайлоолорго бейтарап байкоо салуу болчу. Орус өкүлдөрү уюмдун байкоочуларынын аракеттерин катуу сынга алып, алар өтө саясатташып кеткен деп билдирди, АКШ өкүлү Жон Гэйл болсо, уюмдун милдеттенмелерин аткарып, таза жана адилет шайлоо өткөрүүгө кээ бир мамлекеттердин эрки жетишсиз деп жооп берди.
