Америкалык сот кечээ күнү - 2001-жылдын 11-сентябрында АКШга каршы көрүлгөн террордук аракеттер менен байланыштуу жоопко тартылган Франциянын жараны Закариас Мусауи деген адамды күнөөлүү деп тапты. Эми ал өлүм жазасына кесилиши мүмкүн. Үч миңге жакын адамдын өмүрүн алып кеткен ал аракеттерди ишке ашыргандар өздөрү да өлгөн жана Масауи - аны менен байланыштуу соттолгон азырынча жалгыз адам.
