Ирандын өкмөтү камактагы журналист оору эмес деп ырастады

Акыйкаттык министрлигинин маалымат кызматы билдиргендей, беш жыл мурда камалган диссидент журналист Акбар Ганжинин саламаттыгы түзүк эле.

Өткөн жума күнү Чек арасыз Журналисттер уюму "Ганжинин абалы оор, ал дароо бошотулушу керек" деп айтылган билдирүү таркаткан. Ганжи экс-президент Акбар Хашеми Рафсанжани жана башка мартабалуу расмий кызматкерлердин бир катар интеллигенция өкүлдөрүнүн жана жазуучулардын өлүмүнө тийешеси бар деп ырастаган макалалары үчүн алты жылга кесилген.