Евроконституцияны бекитүү кезеги Словакияга жетти

Словакиянын парламенти бүгүн Евросоюздун конституциясы үчүн добуш берет.
Конституция күтүлгөндөй бекитилсе, Словакия орток башмыйзамды колдогон жетинчи өлкө болот. Евробиримдикке бардыгы 25 өлкө мүчө. Конституция уюмга мүчө өлкөлөр арасында жалпы чечим кабыл алууну жеңилдетет. Ал колдонууга киргенден мурда Евросоюзга мүчө 25 өлкөдө колдоого алынышы абзел.