Еврокеңештин Варшавада аяктаган саммитинде Түркиянын премьер министри Режеп Тайып Эрдоган 1915-23-жылдардагы окуяларды геноцид деп атаган европалык парламенттердин чечимин сынга алып, аны Арменияга жан тарткан аракет катары сыпаттады. Түркия мамлекеттик архивдерин ачып бергенин эске салып, Эрдоган Ереванды жана анын тарабын талашкан өлкөлөргө 90 жыл мурдагы окуянын чын-төгүнүн териштирип чыкканга чакырды.
