ТАЛАС. Талкууга өрөөндөгү өкмөттүк эмес уюмдардын жетекчилери, айыл өкмөттөрүнүн жамаат башчылары, көз карандысыз адвокаттар менен юристтер, жаштар уюмдарынын лидерлери катышышты. Талкуунун жыйынтыгында анын катышуучулары өлкөдө президенттик, парламенттик башкаруу формасын киргизүүнү сунуш кылышты жана Конституцияга өзгөртүүлөр менен толуктоолорду ушул өңүттөн сунуш кылып жатышты. Талкууну “Сорос Кыргызстан” фондусунун аймактык өкүлчүлүгү өткөрдү. Мындай талкуу жарандык коомдун өкүлдөрү менен дагы үч ирет өткөрүлөт жана түшкөн сунуштар Конституциялык кеңешмеге берилет.
