Баш кеңсеси Нью-Йоркто жайгашкан адам укугун коргоочу Хьюман Райтс Уоч уюму Кыргыз өкмөтүнө кайрылып, өзбекстандык бозгундардын коопсуздугун камсыздоого жана кризис учурунда чек араны жаппай турууга чакырды. Ошондой эле чек арада кызматкерлер жетиштүү болуусун өтүндү. Уюмдун катында чек арадан өтүү мөөнөтүн чектөө Качкындар жөнүндөгү эл аралык келишимге каршы келери эскертилет.
