Ирактын Коргоо министрлиги бүгүн тараткан маалыматка караганда, Багдад шаарындагы мечитте кечээ күнү кечинде бомба жарылгандан эки жаш бала жана алардын энеси курман болду. Бүгүн болсо өлкөнүн ар башка аймактарында болгон куралдуу кагылышуулардан америкалык үч аскер окко учту. Андан тышкары Багдад шаарында бүгүн ири антиамерикалык митинг болуп өттү.
