Жаштар фронту деп аталган уюмдун лидери Павел Северинетс менен Социал демократиялык партиянын лидери Николай Статкевич уруксат берилбеген демонстрация уюштургандыгы үчүн айыпталууда. Эгер күнөөлүү деп табылса алар үч жылга чейин түрмөгө кесилиши мүмкүн. Өлкө президенти Александр Лукашенконун бийлик мөөнөтүн узарткан референдумга каршы былтыр окятябрь айында жүздөгөн адамдар нааразылык акциясына чыгышкан болчу. Оппозициянын пикиринде, анда добуштар бурмаланган.
