Анжияндагы тынч митингдин катышуучуларына ок атылгандан кийин башка адамдар менен бирге түрмөдөн бошотулган кишилердин он эки өкүлү да Кыргызстан тарабына качып өтүшкөн. 14-майдан бери алар өз жердештери менен облустун Сузак районунда баш калкалап турушат. Артыгалы Акбаровдун айтуусуна караганда, аны Өзбекстандын Улуттук коопсуздук кызматы туура эмес айыптап камакка алган:
- Мен карапайым ишкермин. Экстремистсиң, акрамийсиң дешип мен билбеген күнөөлөрдү коюшканын айыпты угузгандан кийин билдим. Мекемеде кыйла сурак жүргүзүп, аябай текшеришти. Бизге жалган жалаа жабышты. Бул нерселерди өкмөт өзү уюштурган. Бизди туура эмес айыптап камашты. Каримов туура эмес айтып жатат. Өзбек бийлигинен аябай тойдук.
Анжиянда көп эл жайрап калган козголоңго Шамсуддин Атаматов аттуу ишкер да катышкан. Ал да жогорудагыдай айып менен камакта он бир ай отурган:
- Мени да экстремист, террорист деп камашып, түрмөдө он бир ай болум. Менде эч кандай баракчалар болгон эмес. Анжиянда тынч митинг өтүп жаткан. Куралдуу аскерлер жапырт кыргын баштаганда ушул жака качып өтүүгө мажбур болдук.
Анжияндагы транспорт мекемесинин башчысы Бурханиддин Нурдинов жана башкалар Кыргызстанга өтөөрдө колдорунда эч кандай курал болбогондугун, кыргыз чегарачылары аларды дыкат текшергенде да шектүү эч нерсе табылбагандыгын билдиришти:
- Менин үстүмөн да мажбурлап тергөө жүргүзүштү, уруп-токмоктошуп кыйла ыдык көрсөтүштү. Тергөө бүтүп, сот башталаарда эл башкалар менен бирге мени да бошотуп алышты,- деп Кыргызстанга кандайча келип калган себебин түшүндүрдү Бурханиддин Нуридинов.
Ал эми облустагы чегара жана ички иштер кызматтарынын жетекчилери түрмөдөн чыккандардын тизмеси Өзбекстанга берилгендигин, бирок ал жактан али жооп боло электигин, алардын мындан аркы тагдыры тууралуу пикир айта албай тургандыктарын маалымдашты.
- Мен карапайым ишкермин. Экстремистсиң, акрамийсиң дешип мен билбеген күнөөлөрдү коюшканын айыпты угузгандан кийин билдим. Мекемеде кыйла сурак жүргүзүп, аябай текшеришти. Бизге жалган жалаа жабышты. Бул нерселерди өкмөт өзү уюштурган. Бизди туура эмес айыптап камашты. Каримов туура эмес айтып жатат. Өзбек бийлигинен аябай тойдук.
Анжиянда көп эл жайрап калган козголоңго Шамсуддин Атаматов аттуу ишкер да катышкан. Ал да жогорудагыдай айып менен камакта он бир ай отурган:
- Мени да экстремист, террорист деп камашып, түрмөдө он бир ай болум. Менде эч кандай баракчалар болгон эмес. Анжиянда тынч митинг өтүп жаткан. Куралдуу аскерлер жапырт кыргын баштаганда ушул жака качып өтүүгө мажбур болдук.
Анжияндагы транспорт мекемесинин башчысы Бурханиддин Нурдинов жана башкалар Кыргызстанга өтөөрдө колдорунда эч кандай курал болбогондугун, кыргыз чегарачылары аларды дыкат текшергенде да шектүү эч нерсе табылбагандыгын билдиришти:
- Менин үстүмөн да мажбурлап тергөө жүргүзүштү, уруп-токмоктошуп кыйла ыдык көрсөтүштү. Тергөө бүтүп, сот башталаарда эл башкалар менен бирге мени да бошотуп алышты,- деп Кыргызстанга кандайча келип калган себебин түшүндүрдү Бурханиддин Нуридинов.
Ал эми облустагы чегара жана ички иштер кызматтарынын жетекчилери түрмөдөн чыккандардын тизмеси Өзбекстанга берилгендигин, бирок ал жактан али жооп боло электигин, алардын мындан аркы тагдыры тууралуу пикир айта албай тургандыктарын маалымдашты.
