БИШКЕК. Борбордук шайлоо комиссиясынын жума күнкү отурумунда президенттикке талапкер Токтайым Үмөталиеванын, Дастан Сарыгуловдун, Урматбек Барыктабасовдун, Назарбек Нышановдун, Аманбай Сатыбаевдин, Кубанычбек Апасовдун ыйгарым укуктуу өкүлдөрү каттоодон өткөрүлдү. Президенттикке талапкер 17 адамдын 378 ыйгарым укуктуу өкүлдөрү каттоодон өткөн. Шайлоо кодексинин 2-пунктунун 62- беренесине ылайык, ар бир талапкер 50 миң шайлоочунун колун топтошу керек. Бул тууралуу Борбордук шайлоо комиссиясынын басма сөз кызматынан 28-майда билдиришти.
