БИШКЕК. 28-майда Жогорку соттун мурдакы төрагасы Качкынбай Бообеков жетектеген курамында 14 адамдан турган комиссия Жогорку соттун имаратын ээлеп, нааразылык билдиришкен атуулдардын арызынын негизинде иликтөө иштерин баштады. Комиссиянын курамындагы 7 адам - сот органдарынан, ал эми коомдук уюмдардын өкүлдөрүнөн 7 адам бар. Жогорку соттун имараты 22-апрелден тарта №6-Асанбай, №21-Токтогул, №59-Чүй жана №66-Ак суу округдарынын шайлоочулары тарабынан ээленип, сот иши убактылуу токтотулган.
