Москва шаарынын акими Юрий Лужков баш калаада болгон авария олуттуу экономикалык чыгым келтиргенин билдирди. Аким "Россиянын Бириккен Энергосистемасы" жана көп жылдан бери Москва шаарынын карамагына алынбай келаткан "Мосэнерго"деген ишканаларды кескин сынга алып, аварияга ишканалардын начар башкарылып, алардын инфраструктурасынын эскилиги жеткени алып келгенин айтты.
