БИШКЕК. Жекшембиде өткөн парламенттик шайлоонун жыйынтыгы боюнча Кочкор шайлоо округунда шайлоонун экинчи айлампасы өтмөй болду. Ал эми Тоң шайлоо округунан депутаттыкка Арсланбек Малиев шайланды. Бул тууралуу Борбордук шайлоо комиссиясынан маалымдашты. Аталган эки округдан – Тоң шайлоо округунда элдик толкундоолорго байланыштуу 27-февралда парламенттик шайлоо өткөн эмес. Ал эми Кочкор шайлоо округунда көпчүлүк шайлоочулар бардык талапкерлерге каршы добуш беришкен.
