БИШКЕК. 13-июнда үч күндүк иш сапары менен тышкы иштер министринин милдетин аткаруучу Роза Отунбаева Америка Кошмо Штаттарына барат. Мындай маалымат аталган министрликтен алынды. Иш сапардын учурунда Отунбаева АКШнын мамлекеттик катчысы Кондализа Райс, Президенттин коопсуздук боюнча кеңешчиси Стивен Хедли, Коргоо министринин орун басары Гордон Ингланд, Конгресс мүчөлөрү жана башка расмий өкүлдөр менен жолугушаары болжолдонууда. Кыргызстандын тышкы иштер министри мындан сырткары АКШ Конгрессинин Улуу Жибек Жолу фракциясында, Карнеги фондунда Кыргызстандагы март ыңкылабынын келип чыгуу себептери, өлкөнүн саясий, социалдык-экономикалык жагдайы жөнүндө дарс окууру, ишкер чөйрө, жарандык коом өкүлдөрү менен жолугушаары күтүлүүдө.
