БИШКЕК. 13-июнда Жогорку соттун атуулдардын арызын кароочу соттук коллегиясы ишке киришти. Ал эми соттун имаратынын алдында 22-апрелден бери пикетте турушкан 7 шайлоо округунун тургундары бул күнү да тараган жок. Алар мурдагыдай эле соттун өз талапкерлеринин шайлоо иштерине байланышкан иштерин карап, адилет чечип берүүсүн талап кылышты. Соттун имараты жайгашкан көчөнү милиционерлер эртең менентен тарта тосуп, машина менен адамдарды сот имаратына өткөрүшкөн жок.
