БИШКЕК. Орусиянын коргоо министри Сергей Ивановдун «Орусия террорчуларга каршы алдын ала чабуул коюуга даяр. Москва Кыргызстанга аскер киргизүүнү пландаштырган» деп билдирүүсүнө байланыштуу Кыргызстан адам укугун коргоо комитети 14-июнда билдирүү менен чыкты. Анда Ивановдун билдирүүсү Орусияда импердик ой жүгүртүү дале сакталып калганын, ал эми алдын-ала сокку уруу эгемендүү өлкөнүн ички ишине кийлигишүү экени белгиленген. Кыргыз өкмөтү мындай билдирүүгө жооп берүүгө тийиш. Ал эми эл орус аскерлерин өлкөдөн чыгаруу талабын коюшу мүмкүн, деп белгиленген комитеттин билдирүүсүндө.
