БИШКЕК. «Алмаз» радиосунун уюшулганына 13 жыл толду. Радио 1992-жылы алгачкы уктуруусу менен обого чыккан. Ошондон бери көз карандысыз «Алмаз» радиосу кыргыз, орус, түрк жана өзбек тилдеринде Бишкек, Ош жана Нарын шаарларында обого чыгып келетат. Радионун жетекчиси Рустам Кошмуратовдун билдиргенине караганда, эгерде өкмөт радиотолкун берсе, «Алмаз» жакынкы убакытта Чүй, Жалалабад жана Ысыккөл облустарында да чыга баштайт. «Алмаз» радиосу соңку жылдары ФМ толкунунда «Азаттык» радиосунун уктурууларын да обого чыгарып келет.
