БИШКЕК. Жогорку Кеңештин келээрки аптадагы отурумунда соңку мезгилдери республиканын бир нече жеринде болгон табият кырсыгынан жабыр тарткан атуулдарга мамлекеттин эсебинен жардам берүү маселеси каралат. Бул тууралуу Жогорку Кеңештин 16-июндагы отурумунда маалымдалды. Бүл күнкү отурумда мындан бир нече күн илгери табигат кырсыгынан жабырлангандарга 200 миллион сом акча бөлүү тууралуу токтом долбоору сунушталды. Талкуу учурунда депутаттар мындай маселени дагы тактап, келээрки дүйшөмбү күнү кайрадан кароо чечимине келишти.
