Жакында эле кувейттик аялдар шайлоо укугуна ээ болушкан. Масума ал-Мубарактын ант берүүсүн айрым эркек депутаттар нааразычылык менен кабыл алышты. АКШда билим алган Мубарак пландоо жана административдик өнүгүү министри болуп дайындалган. Кувейттин мыйзамдарына ылайык, кабинет мүчөлөрү парламенттин да мандатына ээ болуп калышат. Алар өтө маанилүү маселелер боюнча добуш беришет. «Кувейттик аялдар үчүн бүгүн абдан тарыхый күн», - деди Масума Мубарак.
