БИШКЕК. 17-июндагы окуяга байланыштуу Кыргызстан элдик кыймылы 21-июнда билдирүү таратты. Анда Урмат Барыктабасовдун тарапкерлеринин өкмөт үйүн басып алуу аракети айыпталып, бул окуянын президенттик шайлоого түздөн-түз тиешесе бар экени белгиленген. Өлкөдөгү деструктивдүү күчтөр шайлоону үзгүлтүккө учуратууну көздөп жатат. Акаев жок. Бирок акаевчылар бар жана алар 24-марттагы ыңкылапты жок кылууга аракеттенүүдө. Мындай шартта Кыргызстан элдик кыймылы 10-июлда шайлоого келип, атуулдук парзды аткарууга, өлкөдө мыйзамдуулукту сактоого элди жана тартип коргоо органдарын чакырабыз, деп айтылган билдирүүдө.
