Бириккен Улуттардын Баңги заттар жана кылмыштуулук боюнча агенттиги бүгүн Вена шаарында өзүнүн кезектеги бир жылдык отчетун жарыялады жана анда - дүйнөдө 200 миллион адам маң заттарын тымызын сатып алуу үчүн жыл сайын 320 миллиард доллар коротот деп айтылат. Агенттиктин аткаруучу деректири Антонио Марио Костанын айтымында, баңги заттары үчүн корогон мынча каражат - дүйнө мамлекеттеринин 90 пайызынын биргелешкен ички дүң өндүрүшүнөн да арбын, ошондуктан баңгичилик - адамзатты жутуп бараткан ажыдаар.
