БИШКЕК. «Демократия жана жарандык коом үчүн» коалициясы 10-июлда өтө турган президенттик шайлоого 170 бейөкмөт уюмдан кыска мөөнөттүү 3 миң байкоочу катыштырат. Алар 1,5 миң участокто добуш берүүнүн жүрүшүнө жана бюллетень саноого байкоо жүргүзөт. Мындан тышкары коалициянын 150 байкоочусу узак мөөнөттүү көз салууда. Мындан тышкары коалиция добуш берүү күнү өлкө боюнча бекер байланыш телефонун ачты. Бул тууралуу уюм жума күнү маалымат таратты.
