Египеттин бийлиги өлкөнүн Ирактагы элчиси болуп дайындалган дипломат Ихаб ал-шерифти уурдап кеткендерге кайрылып, ага жакшы мамиле жасоого чакырды. Тышкы иштер министрлигинин маалымат катчысы Хани Халлаф Шериф өз аракеттерин Ирак элинин бирдиктүүлүгүнө, алардын кызыкчылыктарына төп келген иштерге багыттагысы келген деп билдирди. Дипломат кечээ Багдадда уурдалып кеткен. Кызматына жакында эле, 1-июнда киришкен Шериф согуш башталгандан бери Иракта барымтага алынган алгачкчы жогорку даражалуу чет өлкөлүк дипломат.
