НАРЫН. 10-июль күнү Нарын облусундагы шайлоого катышкандардын жай баракат жүрүшү Нарын шаарында байкалды. Маселен эртең мененки саат тогузга карата Нарын шаары боюнча 4,83 пайыз гана шайлоочу келген. Ал эми саат он алтыга карата болсо облус боюнча шайлоого келген шайлоочулардын көрсөткүчү 48,40 пайызды түздү. Саат он алтыга карата Нарын шаарында болгону 33,55 пайыз шайлоочу добуш берүүгө катышкан. Шайлоочулар демейдеги шайлоолорго караганда жай баракат жүрүүлөрүн жергиликтүү бийликтегилер Нарын облусунан талапкерлердин чыкпагандыгын жана шайлоочулардын шайлоодон тажагандыгы менен түшүндүрүшүүдө.
