КАРАКОЛ. Ысыккөл облустук шайлоо комиссиясынын төрагасы Жоомарт Барктабасовдун маалыматына таянсак, саат 16.30га Ысыккөл облусунда добуш бергендер 11миң 226 киши же 44, 6 пайызды көрсөттү. Шайлоо өнөктүгү жекшемби күнгө туш келгендиктен айрыкча Каракол жана Чолпоната шаарынын көпчүлүк тургундары жер иштетүү, жарманкеге баруу жана көлгө түшүү менен алектенгендиктен кечки саат сегизден кийин добуш берүү ыргагы жогорулайт деп боолголошууда. Облус боюнча 233 чет элдик байкоочу, 64 көз карандысыз эксперттер жана талапкерлердин 82 байкоочулары шайлоо өнөктүгүнө көз салышууда.
