БИШКЕК. Президент Курманбек Бакиев Тажикстан менен Кыргызстандын ортосундагы жеңилдетилген түрдө атуулдук алуу тууралуу мыйзам долбооруна кол койду. Ага ылайык Тажикстандык улуту кыргыз атуулдардын Кыргызстандын атуулдук статусун алуу эрежеси жеңилдетилди. Тагыраак айтканда, эми Тажикстандык кыргыздар Кыргызстандын атуулдугун алуу үчүн мурдагыдай өз өлкөсүнөн жарандыктан чыгуу тууралуу документ алып келбей эле Кыргызстанга келип, үч айдын ичинде кыргызстандын паспортун ала алышат. Учурда Тажикстанда 50 миңге жакын кыргыздар жашашат. Алардын кыргызстанга келүүсү жылдан жылга күчөөдө.
