БИШКЕК. Жапониянын Нагоя шаарында ЭКСПО- 2005 дүйнөлүк көргөзмөсү өтүп жатат. Анда “Улуу Жибек жолу” долбоору менен Казакстан, Өзбекстан, Тажикстандын катарында Кыргызстан да катышууда. Соода-өндүрүш палатасынын жетекчиси Борис Перфильев билдиргенге караганда, Кыргызстан көргөзмөдө 110 чарчы метрди ээлеп, өлкө жана анын экономикалык мүмкүнчүлүктөрү, жаратылышы жана маданияты жөнүндө кеңири маалыматтар коюлду. Борис Перфильевдин пикиринде, бул көргөзмө аркылуу Кыргызстан жаңы шериктерди табат деген үмүт чоң.
