Тажик тышкы иштер министри Талбак Назаров кечээ күнү Дүйшөмбү шаарында журналисттер менен жолугуп, Батыш өлкөлөрүнүн аскерлеринин Борбор Азия жумурияттарында калышында зарылчылык жок, анткени кошуна Ооганстандагы абал турукташып баратат деп билдирди. Дүйшөмбү шаарында азыр франциялык эки жүзгө жакын аскер бар, террорчулукка каршы эл аралык коалициянын дагы эки базасы Кыргызстан менен Өзбекстанда жайгашкан.
