БИШКЕК. Узак сүйлөшүүлөрдөн кийин “Кыргызгаз” акционердик коому менен “Узтрансгаз” Кыргызстанга жаратылыш газын алып келүү боюнча келишимге кол койушту. Келишимге ылайык, 2005-жылы жыл бою Өзбекстан миң кубометрин 42 АКШ долларынан 350 миллион кубометр газ берет. “Кыргызгаздын” башкы деректири Игорь Чудиновдун айтымында, мынча газ республиканын бардык муктаждыктарын жаба алат. Өзбекстан Кыргызстанга бир жарым жылдан бери газ бербей келаткан.
