АКШ президенти Жорж Буш кечээ күнү өлкөнүн Орусиядагы жаңы элчиси кылып Уильям Бөрнстү дайындады, ал мурда мамлекеттик катчынын орун басары болуп иштеген, андан мурда болсо АКШнын Маскөөдөгү элчилигинде кызмат өтөгөн. Бөрнс араб, орус жана француз тилдеринде сүйлөйт. 2001-жылдын июлунан бери Орусияда иштеген америкалык элчи Александр Вершбоунун мөөнөтү аяктады.
