Дүйнө өлкөлөрүнүн жетекчилери Лондондо жаңы жардырууларды уюштургандарды сынга алууда. Жаңы эле Лондондон Рим шаарына келген ооган президенти Хамид Карзай Италия президенти Карло Чампи менен кечээ күнү жолукандан кийин, эки президент биргелешкен билдирүү жасап, Лондондогу окуялардын артында тургандарды катуу сындады. Алардын айтымында, террорду жеңиш үчүн анын алдын алуу аракеттерин көрүү зарыл. Бүгүн Карзай премьер Силвио Берлускони менен кездешет жана Италиянын тышкы иштер министрлиги уюштурган Ооганстан боюнча конференцияга катышат.
