АКШ коргоо министри Доналд Рамсфелд бүгүн Иракка келип, өлкөнүн президенти Жалал Талабани жана премьер-министри Ибрагим ал-Жаафари менен сүйлөшүү өткөрдү. Жолугушуулардан кийин Рамсфелд журналисттерге айтканга караганда, өлкөдөгү коопсуздук орнотуу иштери үчүн жоопкерчиликти Ирактын өзүнүн армиясы менен полициясына өткөрүү маселелери каралды. Жаңы даярдалып жаткан Конституция долбоору дагы талкууланды, анткени Ирактын тндүгүндө жашаган күрддөр федералдык мамлекет түзүүнү талап кылууда, Багдад шаарында бүгүн мина жарылгандан бир адам өлүп, дагы он чакты киши жараат алды.
