БИШКЕК. Жекшемби күнү №11-Курулуш шайлоо округунун 1204, 1206-шайлоо участокторунда, №39-Куршаб шайлоо округунун №58, 59, 62-шайлоо участокторунда кайталап добуш берүү болот. Мындай чечимди БШК Свердлов райондук сотунун жана Жогорку соттун чечимдеринин негизинде чыгарган. БШКнын маалыматына караганда, добуш берүүнүн жыйынтыгы округдун калган участокторунда топтолгон добуштардын негизинде жалпы чыгарылып, көп добуш алган талапкер жеңишке жетет. Аталган участоктор боюнча талаш Куршаб шайлоо округунда Адахам Мадумаров менен Мамат Орозбаевдин, Курулуш шайлоо округунда Ольга Безбородова менен Кабай Карабековдун ортосунда болгон.
