БИШКЕК. Борбор Азиядагы Казакстан, Кыргызстан, Өзбекстан, Түркмөнстан жана Тажикстан өлкөлөрүндөгү жаратылыш кырсыктарын четтетүү жана алдын алуу үчүн Еврокомиссия 3,5 миллион евро бөлмөй болду. «АКИпресс» агенттиги тараткан маалыматка караганда, каражатты Еврокомиссиянын гуманитардык жардам департаменти бөлүштүрүп, жергиликтү жамааттарга ыйгарат. Ушул эле каражаттын эсебинен радиобайланыш да жакшыртылат. Еврокомиссия 2003-жылы Борбор Азияга 5,5 миллион евро бөлгөн.
