Дели шаарында Индия менен кошуна Пакистандын тышкы иштер министрликтеринин өкүлдөрү ортосунда сүйлөшүүлөр уланууда. Ишемби күнү алар эки министрлик ортосунда атайын байланыш кызматын түзүүгө макулдашкан жана ал чара - эки мамлекет ортосунда ишеним орнотууну күчөтүүгө иштейт деп бааланууда. Бүгүн болсо тараптар Кашмир чек арасындагы аскерлердин санын кыскартуу маселесин талкуулоого киришти. Индияга таандык Кашмирде негизинен мусулмандар жайшайт, алар кошуна Пакистанга кошулууну көздөйт жана маселе боюнча мурда Индия менен Пакистан ортосунда согуш да чыккан.
