Өткөн айдын 21инде Лондондо шаардык транспортто жардыруу жасаганга аракет кылган деген айып менен кармалган үч адамдын сот иши кечээ өттү. Жыйынтыгында сот аларды ушул жылдын 14-ноябрына чейин абакта кармап туруу чечимин чыгарды. Айыпталгандардын дагы бири ушул тапта Римде камакка алынган. Алар “адам өлтүрүү аракетин көрүшкөн” деп айыпталып жатышат. Жазанын эң жеткен чеги катарында аларды өмүр бою түрмөгө кесүү өкүмү чыгарылышы мүмкүн.
